2016-imi ingerlariaqqiffiusumik ilinniakkat
2016-imi ingerlariaqqiffiusumik ilinniakkani katillugit 300-t aallartissimapput, taakkunannga 46 procentit inuussutissarsiutigalugu bacheloritut ilinniarfinni aallartissimallutik.
2016-imi ilinniakkanik ingerlatsisut amerlanerpaallutik 804-ullutik.
Kalaallit Nunanni ingerlariaqqiffiusumik ilinniakkat
Saqqummersitami uani Kalaallit Nunaanni ilinniarfiit kisimik pineqarput, kisiannili suli Naatsorsueqqissaartarfiup Kisitsisaataasiviani kalaallinut Kalaallit Nunaata avataani ilinniartunut paasissutissat aaneqarsinnaapput.
Ataani titartakkami 1-imi takuneqarsinnaapput Kalaallit Nunaanni ingerlariaqqiffiusumik ilinniarfinni ilinniakkat aallartinneqartut, ilinniakkat qaffasissusaannut sisamanut agguaallugit.
Titartagaq 1. 2006-imit 2016-imut Kalaallit Nunaanni ilinniakkat aallartinneqartut
Najoqqutaq: Naatsorsueqqissaartarfik- Kisitsisaataasivimmi kisitsisit takukkit (http://bank.stat.gl/UDNISC11E).
2016-imi ilinniakkat aallartinneqartut 300-usimapput. Agguaqatigiissinnerini inuussutissarsiutigalugu bacheloritut ilinniakkat ilinniakkani aallartitani 46 proncetiullutik nuannarineqarnerpaasimallutik.
Titartakkami 2-mi takutinneqarpoq 2016-imi ilinniakkat qaffasissusaanni aallartinneqartut, Kalaallit Nunanni ilinniarfinnut agguaallugit.
Titartagaq 2. 2016-imi Kalaallit Nunaanni ilinniakkat aallartinneqartut
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNISC11E).
Inuussutissarsiornermi ingerlariaqqiffiusumik ilinniakkani sivikinnerni aallartitani 71-iusuni 53-t Niuernermik Ilinniarfimmi Nuummiittumi aammalu 12-it Campus Kujallermi aallartissimapput.
Inuussutissarsiutigalugulu bacheloritut ilinniakkani aallartitani 138-iusuni 89-t Nuummi Ilisimatusarfimmi aammalu 40-it Ilulissani Perorsaanermik Ilinniarfimmi aallartissimapput.
2016-imi Ilisimatusarfimmi ilinniakkat aallartinneqartut katillugit ilinniakkat qaffasissusaannut assigiinngitsunut agguaallugit 180-iupput.